İKT

Tarix:05/04/12

İnkişaf etməkdə olan ölkələrin İT xərcləri 1,22 trilyon dollar təşkil edəcək

"Gartner" analitik şirkətinin proqnozuna görə, 2012-ci ildə Asiya-Sakit okean regionu (Yaponiya, Avstraliya, Yeni Zellandiya, Sinqapur, Cənubi Koreya, Honkonq və Tayvan istisna olmaqla), Latın Amerikası, Yaxın Şərq və Afrika, həmçinin Mərkəzi və Şərqi Avropanın inkişaf etməkdə olan bazarları informasiya texnologiyalarına (İT) 1,22 trilyon dollardan çox pul xərcləyəcəklər.

"İCTnews" elektron xəbər xidməti bildirir ki, "Gartner" şirkətində inkişaf etməkdə olan bazarların tədqiqi bölməsinin direktoru və vitse- prezidenti Luis Anavitartenin sözlərinə görə, Braziliya, Rusiya, Hindistan, Meksika və Çin dövlətlərinin müəssisələri İT seqmentə daha çox pul xərcləyəcəklər.

"Gartner" analitik şirkətinin hesabatında bildirilib ki, Latın Amerikası təşkilatları və şirkətləri 2012-ci ildə İT seqmentə təxminən 326 milyard dollar vəsait xərcləyəcək. Latın Amerikasında istehlak seqmentinin həcmi isə 168 milyard dollar təşkil edəcək. Mərkəzi və Şərqi Avropa ölkələri İT sahənin inkişafına təxminən 158 milyard dollar xərcləyəcək.

"IDC" analitik şirkətinin proqnozuna görə, 2012-ci ildə Rusiya İT bazarında mənfəət 33 milyard dollara qədər artacaq.

EMİL

Baxış sayı: 1348