“Apple” şirkətinin kapitallaşdırma dəyəri 500 milyard dolları ötüb

"İCTnews" elektron xəbər xidməti xəbər verir ki, "Apple" şirkətinin kapitallaşdırma dəyəri tarixində ilk dəfə olaraq 500 milyard dollar həddini ötüb. 1 səhmin qiyməti 542,44 dollar olub. Beləliklə, "Apple" şirkətinin ümumi kapitallaşdırma dəyəri 505,8 milyard dollar təşkil edib.

Bu ilin əvvəlindən "Apple" şirkətinin kapitallaşdırma dəyəri 34% artıb.Məlumat üçün bildirim ki, indiyə kimi cəmi 6 şirkət 500 milyard dollar həddini keçə bilib. Belə ki "Apple" korporasiyasından əlavə, "Microsoft" (2000-ci ildə 600 milyard dollar – hazırda 266 milyard dollar), "İntel" (hazırda 136 milyard dollar), "Cisco" (hazırda 109 milyard dollar), "ExxonMobil" və "General Electric" şirkətləri bu həddi keçməyi bacarıblar.





 
EMİL

---