Yeni texnologiyaya əsaslanan poçt agentlikləri yaradılır

Azərbaycanda poçtun yeni inkişaf mərhələsi başlayıb. Bu barədə bizə məlumat verən “Azərpoçt”MMC-nin baş direktor müavini Sübhan Kazımov bildirib ki, müəssiə poçtun xidmət keyfiyyətinin artırılması, vətəndaşlara ənənəvi xidmətlərlə yanaşı, qeyri-ənənəvi xidmətlərin daha geniş şəkildə göstərilməsi üçün poçt şöbələri ilə yanaşı, kiçik yaşayış məntəqələrində poçt agentlikləri də yaradır. Belə ki, aparılmış tədbirlər nəticəsində son vaxtlar Poçt Filialları üzrə Universal Poçt Xidmətinin keyfiyyətinin yaxşılaşdırılması məqsədi ilə Şamaxı PF-də 1-ci Çaylı, Şəhriyar, Quba PF-də Şuduq poçt agentlikləri açilıb. Qeyd edək ki, “Azərpoçt” MMC 1600 poçt şöbəsi ilə bütün respublikanın yaşayış məntəqələrini öz xidmətləri ilə təmin edir.

---