2013-cü ildə fərdi kompyuter tədarükləri 400 milyonu ötəcək

Mütəxəssislər cari ildə fərdi kompyuter (FK) satışlarında ciddi artım gözləmirlər. “İCTnews” elektron xəbər xidməti xəbər verir ki, “Gartner” analitik şirkətinin son proqnozuna əsasən, 2012-ci ildə fərdi kompyuter tədarükləri 368 milyon təşkil edəcək və keçən il ilə müqayisədə yalnız 4,4% artım qeydə alınacaq.

"2012-ci ildə FK sahəsində tədarük göstəriciləri aşağı olacaq. FK istehsalçıları itirdiklərinin əvəzini çıxarmağa çalışırlar və yeni keyfiyyətli məhsullar üzərində işləyirlər" – “Gartner” şirkətinin tədqiqat direktoru Rancit Atval (Ranjit Atwal) qeyd edib. "Əsas məsələ “Windows 8” əməliyyat sistemi ilə işləyən qurğu və ultrabukların istifadəçilərin marağını yenidən FK sahəsinə cəlb edə biləcəyi ilə bağlıdır" - mütəxəssis bildirib.

Bununla belə, “Gartner” analitik şirkəti hesab edir ki, 2013-cü ildə FK bazarındakı durum yaxşılaşmalıdır. 2013-cü ildə FK tədarüklərinin 400 milyona çatacağı gözlənilir.
 


EMİL

---