“Twitter”də dərc olunan yazılar digər sosial şəbəkələrə inteqrasiya olunacaq

“Twitter” mikrobloqlar xidməti “Posterous” bloq-platformasını satın alması haqqında elan edib. Bu barədə “Twitter”in korporativ bloqu bildirib.

“İCTnews” elektron xəbər xidmətinin məlumatına görə, “Posterous” bloq-platformasının istifadəçilərinin sayı heç də çox deyil, lakin platforma bir sıra faydalı texnoloji xüsusiyyətlərə malikdir.

Belə ki, materialın dərc edilməsi sadədir, materialın istənilən formatda import edilməsi, həmçinin yazıların digər bloq-sistem və sosial şəbəkələrə eksportu mümkündür və s. Onun bazarda əsas rəqibi “Tumblr” xidməti hesab edilir.

Sazişin qiyməti haqqında məlumat verilmir."Biz “Posterous”-un istedadlı komandasını salamlayırıq" – “Twitter”in bəyanatında qeyd olunub.Məlumat üçün bildirim ki, hazırda “Twitter” mikrobloqlar xidmətinin istifadəçilərinin sayı 200 milyon təşkil edir.
 
EMİL
 

---