Rabitəçilər qanvermə aksiyasına qoşuldu

Rabitə və İnformasiya Texnologiyaları Nazirliyi Bakı Telefon Rabitəsi İstehsalat Birliyində "Savab Dünyası" Azərbaycan Talassemiya Assosiasiyasının təşəbbüsü ilə "Donor günü" qanvermə aksiyası  keçirilib. Qanvermə aksiyasında Birliyin və ona tabe olan idarə-müəssisələrin əməkdaşları iştirak edib.  Aksiyada toplanan qan talassemiyalı xəstələrin müalicəsi üçün istifadə olunacaq.

Məlumat üçün qeyd edək ki, "Savab Dünyası" Azərbaycan Talassemiya Assosiasiyası hər il müxtəlif qurum və təşkilatlarla birgə könüllü qanvermə aksiyası keçirir. Assosiasiyanın məqsədi qan donoru ilə bağlı təbliğatın gücləndirilməsidir.
 

---