“Azərpoçt” MMC daha iki pulköçürmə sisteminə qoşulacaq

“Azərpoçt” MMC ilə “Western Union” pulköçürmə sistemi arasında qarşılıqlı əməkdaşlığa dair imzalanan müqavilə yüksək səviyyədə icra olunur. Belə ki, imzalanmış müqaviləyə əsasən, “Azərpoçt” MMC-nin tabeli poçt filialı və poçt şöbələri “Western Union” pulköçürmə sisteminin tətbiqi başa çatmaq üzrədir. Hal-hazırda 160-a yaxın poçt şöbəsi “Western Union” pulköçürmə sistemində qeydiyyatdan keçmişdir və həmin poçt şöbələri əhaliyə xidmət göstərir. “Azərpoçt”MMC-dən verilən məlumata görə , “Coinstar” və “CONTACT” beynəlxalq pul köçürmələri sisteminə isə qoşulma prosesi həyata keçirilməkdədir.

---