“Canon”dan dəyişkən optika ilə güzgüsüz fotokamera

“Canon” şirkəti rəqəmli fotoaparatlar istehsalının inkişafı üzrə planlarını bildirib. “Canon” fotokamera bölməsinin rəhbəri Masaya Maeda “Reyter” agentliyinə verdiyi müsahibəsində bildirib ki, korporasiya, nəhayət ki, iyun ayının sonunda zəlzələ və sunaminin yaratdığı problemləri aradan qaldırıb və fotoaparat istehsalı əvvəlki həcminə qayıdıb. Bundan başqa, yaxın vaxtlarda Tayvanda istehsal gücünün genişləndirilməsi planlaşdırılır, bu da güzgü kameralarının tədarükünü il ərzində 7 milyondan 10 milyona kimi artırmağa icazə verəcək. Cənab Maeda qeyd edib ki, “Canon” şirkətinin planları dəyişkən optika ilə güzgüsüz fotokamera hazırlanmasına cəmlənib. Funksional və şəkillərin keyfiyyətinə görə belə qurğular başlanğıc səviyyə güzgü modelləri ilə rəqabət edəcəklər, amma bu halda daha yığcam korpus ilə fərqlənəcəklər.

---