Britaniyalı alimlər kraliça ikinci Yelizavetanın mikroskopik portretini yaradıblar

Britaniyalı alimlər Böyük Britaniyanın kraliçası ikinci Yelizavetanın  mikroskopik portretini yaradıblar.
"İCTnews.az" elektron xəbər xidməti "ria.ru" saytına istinadən bildirir ki, professor Martin Polyakoff, Nottinqem Universitetinin nanotexnologiyalar  mərkəzində çalışan doktor Maykl Fey və doktor Kristofer Parmenter monarxın profilini brilyanta yüklənmiş qallium hissəciklərinin şüası vasitəsilə həkk ediblər.

Şəkli adi gözlə görmək mümkün deyil; portretin ölçüsü 46x32 mikrometr təşkil edir. Alimlərin sözlərinə görə, portreti poçt markasında  300 min dəfə yerləşdirmək mümkün olardı.Portret müəllifləri qiymətli daşı kraliçaya hədiyyə etmək təklifi ilə çıxış ediblər.
 




EMİL
 

---