Standartlar elektron qaydada satılacaq

Bundan sonra standartların satışı elektron qaydada reallaşacaq. Artıq bunun üçün Standartlaşdırma, Metrologiya və Patent üzrə Dövlət Komitəsində (SMPDK) xüsusi bölmə fəaliyyətdədir. Bu barədə “İCTnews” elektron xəbər xidmətinə SMPDK-dan məlumat verilib.

Komitədən qeyd edilib ki, bu məqsədlə komitənin rəsmi saytında yerləşdirilən “Elektron xidmətlər” bölməsi “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” respublika prezidentinin fərmanına uyğun olaraq hazırlanıb: ”Saytda yerləşdirilən “E-xidmətlər” bölməsinə daxil olmaqla standartların alınmasını rəsmiləşdirmək olar”.

Qeyd edək ki, hazırda bəzi standartların dəyəri məlum olsa da, əksər standartlar üzrə qiymətlər hələlik müəyyənləşməyib. Məsələn, elektrik avadanlıqları və qurğularının yerləbirləşdirilmələri və insanların və ya heyvanların elektrik cərəyanı zərbəsindən mühafizə olunmaları sahəsində anlayışların termin və təriflərini təyin edən AZS 600-2011- "Yerəbirləşdirmə və elektrik cərəyanı ilə zədələnmədən mühafizə" standartını 236 manata əldə etmək olar. Standartın alınmasını isə “Visa Elektron”, “Visa”, “MasterCard”, “Maestro” kartlarından biri ilə rəsmiləşdirmək olar.
 
 
HƏQİQƏT

---