“iPhone” smartfonu üçün gülləkeçirməyən keys yaradılıb

Yaponiya “Marudai” şirkətinin əməkdaşları “iPhone” smartfonu üçün çox möhkəm keys yaradıblar. O, qurğunu yalnız yerə düşmələrdən deyil, həm də .50 kalibrli güllədən qoruya bilər.

“İCTnews.az” elektron xəbər xidməti “pitbit.ru” saytına istinadən bildirir ki, keysin çəkisi 2,1 kq təşkil edir. Rəsmi tövsiyələrə əsasən, onu iki əllə tutmaq, qiymətli səthlərə qoymamaq tövsiyə edilir.

Gülləkeçirməyən keysi istənilən şəxs 2 variantda (ağ və qara) sifariş edə bilər. Keysin qiyməti 650 dollar təşkil edir. Bütün sifarişçilərə hədiyyə kimi .50 kalibrli 1 patron göndərilir.




EMİL
 
 
 
 
 

---