Yapon alimləri arıqlamaq üçün xüsusi eynək ixtira ediblər

Tokio Universitetində çalışan yapon alimləri arıqlamaq üçün xüsusi eynək  hazırlayıblar.
“İCTnews.az” elektron xəbər xidməti “ru.tsn.ua” saytına istinadən bildirir ki, professor Miçitako Xirose və onun komandası tərəfindən ixtira edilmiş eynək insanın yediyi qidanı vizual olaraq təxminən 50 faiz böyük və ya kiçik göstərir. Bununla belə insanın ətrafında olanlar və əlləri normal ölçüdə görünür.

Bu üsul vasitəsilə arıqlamaq istəyənlərin az qida qəbul edəcəyi və bu yolla arıqlayacağı güman edilir.
Alimlər qeyd ediblər ki, aparat işləyir. Belə ki, sınaqdan keçirilən və eynəyi taxmış insanlar təsvirin 50 faiz böyüdülməsi halında 9.3 faiz daha az peçenye yeyiblər.
 







EMİL
 

---