Erik Şmidt 100 milyon dollar kompensasiya alıb

"Google" şirkətində idarə heyətinin sədri vəzifəsində çalışan Erik Şmidt 2011-ci ilin nəticəsinə görə 101 milyon dollar həcmində maliyyə kompensasiyası alıb. Məlumat üçün bildirim ki, o, keçən il şirkətin baş direktoru vəzifəsini Larri Peycə ötürüb.

"İCTnews.az" elektron xəbər xidməti "cybersecurity.ru" saytına istinadən bildirir ki, ilin nəticəsinə görə, Şmidtin maaşı 937500 dollara bərabər olub.   Qeyd edim ki, 1 il ərzində Şmidtin maaşı təxminən 3 dəfə artıb. Müqayisə üçün: 2010-cu ildə onun maaşı 313219 dollar olub.

56 yaşlı Erik Şmidt 2001-ci ildən etibarən "Google" şirkətində baş direktor vəzifəsində çalışmağa başlayıb və 10 ildən sonra bu vəzifədən çıxıb. Beləliklə, o, Serqey Brin və Larri Peyc üçün dünyanın ən nəhəng internet-şirkətini yaradıb. "Google" şirkətinin təsisçiləri olan Peyc və Brinin illik maaşı isə 1 dollar təşkil edir.


 
EMİL

---