“İntel” mobil sənayedə “böyük oyunçu” olmaq istəyir

Amerikanın “İntel” korporasiyası yaxın 5 il ərzində mobil sənayedə "böyük oyunçu" olmağı planlaşdırır. Məlumat üçün bildirim ki, şirkətin prosessorları ilk dəfə olaraq bir neçə gün əvvəl smartfon bazarında təqdim edilib.

“İntel” şirkətinin maliyyə direktoru Steysi Smit (Stacy Smith) “Bloomberg” agentliyində işləyən müxbirə verdiyi müsahibəsində bildirib ki, “İntel” korporasiyası hər hansı bazara çıxdıqda qarşısına həmişə ən böyük məqsədə nail olmağı qoyur. "Mobil qurğular sektorunda pul dövriyyəsi milyard dolları ötür və bu, bizim üçün əla imkandır" - top-menecer qeyd edib.

“İCTnews.az” elektron xəbər xidməti “dailycomm.ru” saytına istinadən bildirir ki, Smit etiraf edib ki, şirkət 2012-ci ildə çətin ki hər hansı mühüm nəticə əldə edə, lakin 5 ildən sonra vəziyyət tamamilə başqa cür olacaq.

“IDC” analitik firmasının proqnozuna görə, 2012-ci ildə mobil telefonların tədarük həcmi 1,7 milyardı ötəcək. Bu göstərici 1 il əvvəl ilə müqayisədə 8,2% çoxdur.

EMİL