Heydər Əliyev İrsini Araşdırma Mərkəzinin fəaliyyətinin 8 illiyi qeyd olunub
Bu gün Azərbaycan Milli Elmlər Akademiyasında (AMEA) ümummilli lider Heydər Əliyevin 89-cu ildönümü ilə əlaqədar Heydər Əliyev İrsini Araşdırma Mərkəzinin 8 illik fəaliyyəti qeyd olunub.
Tədbir Heydər Əliyevin İrsini Araşdırma Mərkəzinin fəaliyyətinə və mərkəzin "
Aliyevheritage.Org-un" elektron portalına həsr edilmişdi.
Tədbirdə çıxış edən Heydər Əliyev İrsini Araşdırma Mərkəzinin baş direktoru Fuad Babayev bildirib ki, portalda Heydər Əliyevin fəaliyyətinin, demək olar ki, bütün sahələri – xarici və daxili siyasət, iqtisadiyyat, neft strategiyası, ordu quruculuğu, beynəlxalq terrorizmlə mübarizə, böyük siyasətə qayıdış və s. geniş əhatə olunub.
"Materialları oxucuların asanlıqla tapması üçün bölümlər və alt bölümlər yaradılıb. Portalda dünyada ən geniş yayılmış 50 dildə versiyanın olması dünyanın bir çox ölkələrinin oxucularının materialları ilə öz dillərində tanış olması üçün imkan yaradır.
Ötən il Mərkəzin portalına 185 ölkədən 100 minlərlə oxucu daxil olaraq 2 milyona qədər sənədlə tanış olub. Saytın 63% ziyarətçisi dünyanın tanınmış elm mərkəzləri, 15%-i rəsmi qərarların qəbul edildiyi dövlət qurumları, 10%-i dünyanın nüfuzlu KİV-nin nümayəndələri, 3%-i transmilli şirkətlər, 13%-i isə digər təşkilatlardır. Hazırda gün ərzində dünyanın 80-100 ölkəsindən portala oxucular daxil olur".
Daha sonra tədbirdə çıxış edən AMEA-nın Tarix İnstitutunun direktoru Yaqub Mahmudov portalın əhəmiyyətindən və onun Heydər Əliyev irsinin araşdırılması və dünya ictimaiyyətinə çatdırılmasında xüsusi rolunu vurğulayıb.
GÜLNAR