ABŞ orbitə hərbi təyinatlı yeni rabitə peyki buraxıb

ABŞ-ın Hərbi Hava Qüvvələri (HHQ) Kanaveral burnundan kosmosa "AEHF 2" adlı yeni nəsil rabitə peyki buraxıb. Peyk Amerika komandanlığının silahlı qüvvələri idarə etməsi üzrə imkanlarının yaxşılaşması üçün nəzərdə tutulub. Bu barədə "Space.com" informasiya portalı məlumat verib.

"İCTnews.az" elektron xəbər xidməti "ria.ru" saytına istinadən bildirir ki, peyk orbitə "Atlas 5" adlı raket-daşıyıcı vasitəsilə buraxılıb.

O, Yer kürəsindən 35 kilometr məsafədə yerləşən orbitə təxminən 3 ay ərzində çatacaq.
"Lockheed Martin" şirkəti tərəfindən yaradılmış "AEHF 2" (Advanced Extremely High Frequency 2) peykinin qiyməti 1,7 milyard dollar, çəkisi isə təxminən 7 ton təşkil edir.
 



EMİL

---