Azərbaycanda elektron ticarətin həcmi ilin əvvəlindən 363 min manatı ötüb

2012-ci ilin yanvar-aprel aylarında pərakəndə ticarət şəbəkəsindən əhaliyə 5,3 milyard manat məbləğində və ya 2011-ci ilin eyni dövrü ilə müqayisədə 9,1 faiz çox istehlak malları satılıb. “İCTnews” elektron xəbər xidmətinin  məlumatına görə, bu barədə Dövlət Statistika  Komitəsinin yaydığı məlumatda bildirilir.

İstehlak mallarının 679,7 milyon manatı hüquqi şəxslərin, 2,5 milyard manatı hüquqi şəxs yaratmadan ticarət fəaliyyəti göstərən fərdi sahibkarların, 2,2 milyard manatlıq həcmi isə bazar və yarmarkalarda fəaliyyət göstərən fiziki şəxslərin şəbəkələrində realizə olunub. Elektron ticarətin həcmi 363,7 min manat olub.

 Əhalinin pərakəndə ticarət şəbəkələrində xərclədikləri vəsaitin 3,1 milyard manatı ərzaq məhsullarının, 2,2 milyard manatı qeyri-ərzaq mallarının alınmasına sərf olunub.



CAHANGİR

---