Genişzolaqlı şəbəkə istifadəçilərinin sayı artıb

“Aztelekom” İB-nin xidmət ərazisində genişzolaqlı  şəbəkə  istifadəçilərinin  sayı 42% artaraq 74 minə  çatıb. Bu barədə birlikdən verilən məlumatda bildirilir. Məlumatda qeyd edilir ki, birliyin  rayon  telekommunikasiya  qovşaqlarının  xidmət  ərazilərində  informasiya  texnologiyalarının  tətbiqinin  genişləndirilməsi, rayon  mərkəzləri,  şəhərlər  və  qəsəbələrlə  yanaşı,  kənd  yaşayış  məntəqələrində  də  əhalinin  genişzolaqlı  internet  xidmətlərindən  istifadəsi  məqsədilə kənd  EATS-nin  birləşdirici  xətlərinin  optik  kabellərlə  təşkili – tam  optikləşmə  layihəsi  sürətlə davam edir. Layihə  çərçivəsində 21 Telekommunikasiya qovşağına 560 km  FO  kabelləri  ayrılmış,  artıq  400 km FO  kabelinin  çəkilişi  başa  çatdırılıb.

Qeyd edək ki, birlik üzrə Balakən, Zaqatala, Qax, Şəki, Qəbələ, Quba, Qusar və Xaçmazda  həm  rayon  mərkəzlərində, həm də  kəndlərdə yeni DSLAM avadanlıqları quraşdırılmaqla genişzolaqlı  şəbəkənin  tutumu artırılıb.



RƏVAN

---