Sığorta sahəsində elektron imzanın tətbiqi istiqamətində iş gedir

Azərbaycan Maliyyə Nazirliyi ölkənin sığorta bazarında elektron imzanın tətbiqi üçün müvafiq qanunverici baza hazırlayır. Bu barədə maliyyə naziri Samir Şərifov bildirib. Onun sözlərinə görə, lazımi sənədlərin layihələri hazırlanandan sonra hökumət orqanlarına təqdim olunacaq. Müvafiq qanun layihəsinin artıq cari ildə parlamentə təqdim olunması planlaşdırılır. Nazir qeyd edib ki, elektron imzanın istifadəsi sığorta şirkətlərinə daha qısa vaxta müqavilələr imzalamağa imkan verəcək.

---