MSK sosial şəbəkələrdəki fəaliyyətini genişləndirir

Mərkəzi Seçki Komissiyası sosial şəbəkələrdə fəaliyyətini genişləndirib. Komissiya artıq «Facebook» sosial şəbəkəsində də rəsmi səhifəsini yaradıb. Bu barədə "İCTnews.az" elektron xəbər xidmətinə MSK-nin mətbuat xidmətinin rəhbəri Azər Sarıyev məlumat verib.

O bildirib ki, buna qədər MSK-nın «Tvitter» və digər sosial şəbəkələrdə də səhifələri olub: «Bütün bunlar da komissiyanın gördüyü işləri ictimailəşdirmək, onlarla bağlı daha çox insanı məlumatlandırmaq məqsədi daşıyır.

Sosial şəbəkələr vasitəsi ilə insanlar təkcə MSK-nın gördüyi işlərdən məlumatlı olmayacaq, eyni zamanda bununla bağlı öz fikirlərini də qeyd edə biləcəklər».

A.Sarıyev onu da əlavə edib ki, MSK seçkilər yaxınlaşdıqca əlavə elektron xidmətlər də yarada bilər: «Biz düşünürük ki, seçkilər yaxınlaşdıqca bir sıra İKT yenilikləri edə bilərik».

SEYMUR

---