Ölkədə elektron avadanlıqların istehsalı artıb

Dövlət Statistika Komitəsindən verilən məlumata görə, bu ilin yanvar-aprel aylarında kompyuter, elektron və optik məhsullarının, elektrik avadanlığının istehsal həcmi 89,2 milyon manat olub.

Əvvəlki ilin eyni dövrü ilə müqayisədə kompyuter və digər elektron avadanlığının istehsalı 24,3 dəfə, elektrik avadanlığının istehsalı isə 3,9 dəfə artıb. Bu dövrdə 57 güc transformatoru, 1,3 min məişət soyuducusu istehsal edilib, televizorların istehsalının artımı 60,8 faiz təşkil edib.

---