Türkiyə orbitdəki peyklərinin sayını artıracaq

Türkiyə orbitdəki peyklərinin sayını artırmağı və kosmik aparat istehsalçıları sırasına daxil olmağı planlaşdırır.

“İCTnews.az” elektron xəbər xidməti “itar-tass.com” saytına istinadən bildirir ki, "Türksat" şirkəti 2019-cu ilədək orbitdəki  peykləri vasitəsilə Yer kürəsi ərazisinin 70 faizdən çoxunu əhatə etmək niyyətindədir.

"Biz buna 5 orbit və 7 rabitə peykinin istismarı hüquqları  sayəsində nail ola bilərik. Hazırda bizim göstərdiyimiz  xidmətlərdən təxminən 2 milyard insan istifadə edə bilər və 2019-cu ilədək bu göstərici 6 milyarda qədər artacaq" - "Türksat" şirkətinin baş direktoru Özkan Dalbay (Özkan Dalbay) bildirib.

O məlumat verib ki, Türkiyə orbitə 2014-cü ilədək "Türksat 4A" və "Türksat 4B" adlı 2 yeni telekommunikasiya kosmik aparatı buraxacaq. Onlardan gələn siqnalı bütün Afrika ərazisində qəbul etmək mümkün olacaq. Şirkət Uzaq Şərq, Cənub-Şərqi Asiya və qismən Cənubi və Şimali Amerika ərazilərini əhatə etmək üçün həmçinin 2 əlavə orbitin istifadə hüquqlarını satın almaq niyyətindədir.
 
EMİL

---