“Aztelekom” İB-də xidmətlərin sifarişi onlayn rejimdə icraya götürülür

“Aztelekom” İB-nin “Qaynar xətt” xidməti birlik tərəfindən göstərilən xidmətlərin sifarişi, təklif və şikayətlərin  qəbulunun “bir pəncərə” üzərindən təşkilini həyata keçirir.

Xidmət vasitəsi ilə istifadəçi “Aztelekom” İB-nin göstərdiyi xidmətlərə qoşula bilər, istifadə etdiyi xidmətlərdə baş vermiş nasazlıqların aradan qaldırılmasını sifariş edə bilər, öz arzu və təkliflərini, şikayətlərini birliyin müvafiq strukturlarına çatdıra bilər.

Bu xidmətdən istifadə etmək üçün vətəndaş 012 122 xidmətinə zəng edib (zənglər pulsuzdur) operatorla əlaqə yaradır, öz sifarişini, təklif və ya şikayətini bildirir. Onun sifariş, təklif və ya şikayəti onlayn rejimdə müvafiq struktur bölmə tərəfindən icraya götürülür.



CAHANGİR

---