“McAfee”: 17% istifadəçi qlobal şəbəkəyə “lüt” daxil olur

"McAfee" antivirus istehsalçısı heyrətləndirici statistik məlumatlar dərc edib. Dünyanın 24 ölkəsi üzrə 28 milyon fərdi kompyuteri (FK) araşdıran şirkətin ekspertləri 17 faiz FK-də antivirus quraşdırılmadığını aydınlaşdırıblar. İnternetdə mövcud olan təhlükələrin sayını nəzərə alan "McAfee" belə hərəkəti əsl ağılsızlıq hesab edir. "Bu, qlobal şəbəkədə lüt gəzmək kimi bir şeydir" - ekspertlər nəticələrdən dəhşətə gəliblər.

"İCTnews.az" elektron xəbər xidməti "dailycomm.ru" saytına istinadən bildirir ki, "McAfee" şirkətinin məlumatına görə, Finlandiyada internetə 9.7 faiz FK antivirus proqram təminatı quraşdırılmadan daxil olur və bu, internet təhlükələrdən ən yaxşı müdafiə olunan ölkələrdən biridir.






EMİL

---