“Facebook” “Opera” səyyahını tövsiyə edir

“Facebook” şirkətinin Norveçin “Opera Software” şirkətini satın almağa hazırlaşması ilə əlaqədar informasiya çıxdıqdan sonra tövsiyə olunan səyyahlar siyahısına dəyişikliklər edilib. Sosial şəbəkə administrasiyası “Google Chrome” səyyahını “Opera” ilə əvəz edib.

“İCTnews.az” elektron xəbər xidməti “tech.onliner.by” saytına istinadən bildirir ki, “StatCounter” tədqiqat şirkətinin versiyasına görə “Chrome” populyar səyyahlar siyahısında liderliyini qoruyub  saxlayır.

“Chrome” səyyahı 32.85 faiz göstərici ilə tədricən “İnternet Explorer”dən (31,5 faiz) uzaqlaşır. “Firefox” səyyahının  payı 25,84 faiz, “Safari”nin payı 6,98 faiz, “Opera”nın payı isə heç 2 faiz təşkil etmir.
 




EMİL

---