Lənkəran kəndləri sürətli internetə qoşulub

Bu gün 211 mindən çox əhalisi olan Lənkəranda 50 minə yaxın internet istifadəçisi var. Bu barədə “İCTnews”  elektron xəbər xidmətinə Lənkəran Telekommunikasiya qovşağının rəisi Camal Əkbərov məlumat verib. Onun sözlərinə görə, əvvəllər internet istifadəçilərinin sayı 10-15 min, bir neçə il əvvəl isə 20-25 min nəfər idi. Bunlar əsasən dial-up istifadəçiləri idi.

C.Əkbərov bildirib ki, hazırda rayonda 5 min abonent birbaşa, 1300-ə yaxın abonent isə genişzolaqlı internet xidmətindən istifadə edir. Hazırda Lənkəranın 20-yə yaxın kəndində genişzolaqlı internetə çıxış təmin edilib ki, bu da abunəçilərin sayının bir qədər də artacağını deməyə əsas verir.

Qeyd edək ki, Lənkəran rabitə şəbəkəsi eyni zamanda qovşaq tipli olmaqla ətraf rayonların şəhərlərarası və beynəlxalq danışıqlarının emalı prosesini həyata keçirir.



RƏVAN

---