“Apple I” kompyuteri hərraca çıxarılıb

"Sotbis" hərrac evi “Apple” korporasiyasının fərdi kompyuterinin birinci modelini Nyu-Yorkda keçirilən hərraca çıxarıb. Şirkətin təsisçiləri - Stiv Cobs və Stiv Voznyak onu əl ilə yığmışdılar. “Apple I” kompyuteri ictimaiyyətə 1976-cı ildə Kaliforniya ştatında yerləşən "Əldəqayırma kompyuterlər klubu”nda təqdim edilmişdi. Kompyuterdə monitor və klaviatura yox idi, əməli yaddaş tutumu isə 8 kilobayt idi.

"İCTnews.az" elektron xəbər xidməti "vesti.ru" saytına istinadən bildirir ki, bu kompyuterlə o zaman yerli mağazalar şəbəkəsinin sahibi maraqlandı və hər birinə 500 dollar ödəməklə 50 belə qurğu almağa razılaşdı. Hazırda isə işlək vəziyyətdə olan aparatın qiyməti 180 min dollar təşkil edir.
 






EMİL

---