Qazaxda internet istifadəçilərinin sayı artıb

Qazaxın kəndləri də sürətli internetlə təmin edilir. Bu haqda Qazax Rayon Telekommunikasiya Qovşağından məlumat veriblər.

Məlumata görə, rayon ATS-lərində müasir avadanlıqların quraşdırılması nəticəsində internet istifadəçilərinin sayını artırmaq mümkün olub. Hazırda 1.380 nəfər rayon sakini sürətli internetdən yararlanır.

İnternet istifadəçilərinin 1.100 nəfəri “Aztelekom”, 280 nəfəri isə “Data+” abunəçisidir. Qurumdan bildiriblər ki, kəndlərdə qurulan elektron ATS-lərdə yerləşdirilən qurğular sayəsində ilin sonuna kimi internet istifadəçilərinin sayını 2 dəfəyədək artırmaq mümkün olacaq.
 

---