“SAZZ” simsiz internet müştəri xidmətləri Mingəçevirdə səyyar təbliğata başlayıb

“SAZZ” şirkətinin Mingəçevir təmsilçisi yay aylarının başlanması ilə əlaqədar səyyar təbliğata başlayıb. Təbliğat Mingəçevir şəhərində gənclərin ən çox toplandığı “Heydər Əliyev parkı”nda aparılır.

Bu barədə “İCTnews” elektron xəbər xidmətinə şirkətdən məlumat verilib. Şirkətdən qeyd edilib ki, təşkil olunmuş səyyar təbliğat stolunda gənclər onları maraqlandıran suallara cavab alırlar və “SAZZ”-ın keçirdiyi “ Yay kampaniyasının “ şərtləri ilə tanış olurlar: “Gənclərə “SAZZ” simsiz internetinin “ləzzət”i yerindəcə təqdim edilir.

Onların maraq dairəsi bu istiqamətdə daha da genişləndirilir. Səyyar təbliğat iyun ayının sonuna qədər davam etdiriləcək. Yaxın gələcəkdə isə səyyar təbliğatın digər ərazilərdə də davam etdirilməsi nəzərdə tutulur”.



 
HƏQİQƏT

---