İranda kiber-hücumlarla mübarizə üzrə mərkəz yaradılıb

İranda kiber-hücumlarla mübarizə ilə əlaqədar Təhlükəsizlik üzrə Əməliyyat Mərkəzi (SOC) yaradılıb.
Mərkəz təşkilati və texniki səviyyələrdə təhlükəsizlik məsələləri ilə məşğul olan təşkilatda mərkəzləşdirilmiş vahiddir. SOC binanın və ya tikintinin daxilində heyətin məlumatların işlənməsi texnologiyalarından istifadə edərək sayta nəzarət etdikləri mərkəzi yerdir.

Mərkəz İranın Pishgamane Kavir İT şirkəti tərəfindən yaradılıb.Hazırda SOC test rejimində çalışır və iyulun 18-də tam gücü ilə fəaliyyətə başlayacaq.

Mərkəzin yaradıcılarından biri, Pishgamane Kavir İT Şirkətlər Qrupunun müəssisələrindən birinin rəhbəri Məhəmməd Əli Aqilinin sözlərinə görə, bu, İranda öz növünə görə ilk təhlükəsizlik mərkəzidir. Onun fəaliyyəti şəbəkələrin, məlumat bazasının və veb-saytların monitorinqinə, qiymətləndirilməsinə və müdafiəsinə yönəldilib.

Mərkəz yalnız bank sistemində deyil, həm də sığorta şirkətlərində, dövlət və hərbi təşkilatlarda, həmçinin özəl şirkətlərdə kiber-boşluqlara nəzarətin təminatı üçün işləyəcək.SOC təxminən 100 şəbəkəyə eyni zamanda nəzarət edəcək və lazım gələrsə, bu rəqəm gələcəkdə daha da böyüdüləcək.  

---