M.Ə.Sabirə həsr olunan markalar işıq üzü görüb

Rabitə və İnformasiya Texnologiyaları Nazirliyinin Azərmarka şirkəti Azərbaycan xalqının görkəmli ədibləri – yazıçı və ictimai xadim Mirzə Fətəli Axundzadə və şair Mirzə Ələkbər Sabirin yubileyinə həsr olunan markaların dövriyyəyə buraxılmasını elan edib.

M.F.Axundzadənin 200 illiyi münasibətilə 100 min ədəd tirajla buraxılan və yazıçının portretinin təsvir olunduğu markalardan birinin nominal dəyəri 20 qəpik təşkil edir. M.Ə.Sabirin 150 illiyi münasibətilə işıq üzü görən və şairin şəklinin təsvir olunduğu digər markanın da tirajı 100 min nüsxəyə, nominal dəyəri isə 20 qəpiyə bərabərdir.

---