Vakant müəllim yerlərinə elektron ərizə qəbulu başa çatıb

«2012-2013-cü tədris illəri üçün respublikanın ümumtəhsil məktəblərinin vakant müəllim yerlərinə elektron ərizə qəbulu başa çatıb. Hazırda daxil olan ərizələrlə bağlı təhlil aparılır. Bu barədə məlumat verən Təhsil Nazirliyinin Strateji təhlil, planlaşdırma və kadrların idarə olunması şöbəsinin rəhbəri Fərzəli Qədirov ərizə verənlərin sayının təhlillərdən sonra açıqlanacağını bildirdi.

Müəllimlər üçün nəzərdə tutulan imtahanlar iyulun 23-dən başlayacaq. Qeyd edək ki, bu il ölkə üzrə 3 minə yaxın vakant yer müsabiqədə iştirak edir. Onlardan yalnız 293 yer Bakı şəhərindədir.
 

---