“Facebook”u tərk edənlərin sayı çoxalıb

“Facebook” sosial şəbəkəsi istedadları itirməyə davam edir. Belə ki, ötən həftə şirkətin  üç əsas əməkdaşı  şirkətdən getməsini bəyan edib. “ICTnews.az” elektron xəbər xidməti “vesti.ru” saytına istinadən  bildirir ki, əvvəlcə, platformalarla əməkdaşlıq üzrə direktor İtan Berd öz istefasını elan edib.

Daha sonra platformaların marketinqi üzrə direktor Keti Mitiç “Facebook”u tərk edib. Sosial şəbəkənin mobil platformasının marketinqi üzrə meneceri Conatan Matus da “Facebook”u yarı yolda qoyanlar sırasındadr.

Məlumat üçün bildirək ki, 2012-ci ilin yayında “Facebook”u bir sıra top-menecerlər tərk etmişdi. İyunda texniki direktor Bret Teylor şəxsi startapını inkişaf etdirmək planlarına görə şirkətdəki postundan getmişdi. İyulda isə “Open Graph”-ın meneceri Karl Şeqren istefa verib.





EMİL

---