Azərbaycanın daha 2 rayonunda rəqəmli DVB-T vericiləri quraşdırılıb

Azərbaycanda rəqəmli televiziyanın tətbiqi istiqamətində görülən işlər uğurla davam etdirilir. “ICTnews” elektron xəbər xidmətinin “Teleradio” İstehsalat Birliyinə istinadən verdiyi məlumata görə, birliyin mütəxəssisləri tərəfindən cari il, 25 iyul tarixində Qusar rayonunun Cibir RTS-də 42-ci TV kanalında “Vigintos Elektronika” şirkətinin istehsalı olan 600 Vt-luq, 27 iyul tarixində isə Siyəzən rayonunun Gilgilçay RTS-də 30-cu TV kanalda, ”DUT-85-43” tipli, 150 Vt gücə malik, müasir tələblərə və standartlara cavab verən rəqəmli DVB-T vericiləri quraşdırılaraq istismara verilib. Bununla da nəinki qeyd edilən rayonların, eləcə də yaxınlıqda yerləşən digər rayonların əraziləri də rəqəmli yayım ilə əhatə olunub.

CAHANGİR