"Facebook" istifadəçilərdən kömək istəyib

 "Facebook" auditoriyasına loqin və istifadəçilərin şifrələrini "oğurlayan" fırıldaqçılarla mübarizədə kömək etmək xahişi ilə müraciət edib.

Dünyanın ən böyük sosial şəbəkəsi bunun üçün ayrıca elektron poçt yaradıb. Fişinq-hücumlar barədə məlumatı həmin poçta göndərmək olar. “ICTnews.az” elektron xəbər xidməti “vesti.ru” saytına istinadən bildirir ki, Mark Zukerberqin şirkəti fişinqi aradan qaldırmaq istəyir.

Fırıldaqçılar fişinq-hücum vasitəsilə istifadəçiləri aldadaraq onların loqin, şifrə, hətta maliyyə informasiyalarını ələ keçirirlər. Belə ki, kibercinayətkarlar istifadəçilərə "Facebook" administrasiyasının adından saxta məktublar göndərirlər. Artıq istifadəçilər fişinq hücumlar barədə “phish@fb.com” elektron poçtuna yaza bilərlər.

EMİL

---