"BenQ" proyektor bazarının 11 faizinə nəzarət edir

2012-ci ilin ikinci rübündə "BenQ" şirkətinin proyektor bazarındakı payı 10,8 faizə çatıb. Bu barədə "BenQ" şirkətinin Asiya-Sakit okean regionundakı bölməsinin direktoru Adrian Çanq məlumat verib.

"ICTnews.az" elektron xəbər xidməti "dailycomm.ru" saytına istinadən bildirir ki, "BenQ" şirkəti bazar payına görə yalnız proyektor seqmentinin lideri - Yaponiyanın "Seiko Epson" şirkətindən geri qalır.

"BenQ", həmçinin "Optoma" və "Acer" kimi şirkətləri üstələyə bilib. "BenQ"-in mövqeyi daha çox inkişaf etməkdə olan ölkələrin bazarlarında güclənir. Məsələn, ötən rüb şirkətin Hindistanda bazar payı təhsil müəssisələri üçün nəzərdə tutulmuş modelə yüksək tələbat sayəsində 20 faizə çatıb.

EMİL

---