Mobil tətbiq yeniyetmələrin yazdığı “SMS”-i deşifrə edir

Valideynlər uşaqlarından aldıqları “SMS” mesajların mənasını çox vaxt başa düşmürlər. Yeniyetmələr elektron ünsiyyətdə yaşlı nəslə naməlum olan yüzlərlə abreviaturadan istifadə edirlər. “DML” şirkəti ailə üzvlərinin effektiv ünsiyyət saxlaması üçün “TextGenie” tətbiqi hazırlayıb. Tətbiq "SMS"-in anlaşılmaz hissələrini avtomatik deşifrə edir.

“ICTnews.az” elektron xəbər xidməti “vesti.ru” saytına istinadən bildirir ki, tətbiq “Android” platformasında 1 dollar 16 sentə əlçatandır. “TextGenie” tətbiqində 1500 abreviatura və onların izahı yer alıb. Məsələn, proqram mesajdakı “2nyt” qısaltmasının tonight, “gr8” qısaltmasının isə great olduğunu izah edir. Təəssüf ki, proqram yalnız ingilis dilində danışan ailələr üçün əlçatandır.





 
EMİL

---