Cəlilabadda sahibkarlar elektron xidmətlərlə bağlı məlumatlandırılıb

İqtisadi İnkişaf Nazirliyi (İİN) sahibkarların elektron xidmətlərlə bağlı məlumatlandırma tədbirlərini davam etdirir. Nazirliyin bu istiqamətdə növbəti treninqi Cəlilabad rayonunda baş tutub. “ICTnews” elektron xəbər xidmətinə bu barədə nazirliyin mətbuat xidmətindən məlumat verilib.

Nazirlikdən bildirilib ki, İİN-in Bakı Biznes Tədris Mərkəzinin Lənkəran nümayəndəliyinin təşkilatçılığı ilə keçirilən treninqlərdə İqtisadi İnkişaf Nazirliyi tərəfindən göstərilən elektron xidmətlər, “http://www.icazeler.gov.az/”, “http://www.b2b.az/” elektron portalları, portalların biznesin səmərəli təşkili və inkişafı üçün yaratdığı əlverişli imkanlar, portallardan istifadə qaydaları və s. barədə məlumatlar iştirakçıların diqqətinə çatdırılıb. Bundan başqa, iştirakçılar üçün “Biznes-planların və investisiya layihələrinin hazırlanması” mövzusunda da treninq təşkil edilib.

HƏQİQƏT