Cari tədris ilində məktəblərin “İnformatika” və “Texnologiya” dərsliklərinə tələbatı müəyyənləşib

2012-2013-cü tədris ili üzrə ümumtəhsil məktəblərinin “İnformatika” və “Texnologiya” dərsliklərinə tələbatı müəyyənləşib. “ICTnews” elektron xəbər xidmətinə Təhsil Nazirliyindən bildirilib ki, ümumtəhsil məktəbləri üçün çap olunacaq dərslik və dərslik komplektlərinin təsdiqi barədə təhsil nazirinin əmrinə əsasən, yeni tədris ilinə ümumtəhsil məktəblərinin I-III və V-XI sinifləri üçün ümumilikdə 194 adda dərslik və müəllim üçün metodik vəsait hazırlanıb.

Təlim Azərbaycan dilində aparılan məktəblər üçün I siniflər üzrə 124000 ədəd “İnformatika” dərsliyi, 8000 ədəd “İnformatika”- müəllim üçün metodik vəsait, 8000 ədəd “Texnologiya”- müəllim üçün metodik vəsait, II siniflər üzrə 35000 ədəd “İnformatika” dərsliyi, 35000 ədəd “Texnologiya” dərsliyi, III siniflər üzrə 33800 ədəd “İnformatika” dərsliyi, 33800 ədəd “Texnologiya” dərsliyi nəzərdə tutulub.

Bundan başqa, V siniflər üzrə 115500 ədəd “İnformatika” dərsliyi, 7330 ədəd “İnformatika”- müəllim üçün metodik vəsait, 115500 ədəd “Texnologiya” dərsliyi və 7330 ədəd “Texnologiya”- - müəllim üçün metodik vəsait, X siniflər üzrə 30700 ədəd “İnformatika” dərsliyi, XI siniflər üzrə 28000 ədəd “İnformatika” dərsliyinin çapı müəyyənləşdirilib. Təlim rus dilində aparılan məktəblər üçün I siniflər üzrə 8650 ədəd “İnformatika” dərsliyi, 450 ədəd “İnformatika”- müəllim üçün metodik vəsait, 450 ədəd “Texnologiya” fənni üzrə müəllim üçün metodik vəsait, II siniflər üzrə 2650 ədəd “İnformatika” dərsliyi, 2650 ədəd “Texnologiya” dərsliyi, III siniflər üzrə 2400 ədəd “İnformatika” dərsliyi, 2400 ədəd “Texnologiya” dərsliyinin çapı təsdiqlənib.

Ümumtəhsil məktəbləri üçün çap olunacaq dərslik və dərslik komplektlərinin təsdiqinə görə, V siniflər üzrə 7700 “İnformatika” dərsliyi, 450 ədəd “İnformatika” fənni üzrə müəllim üçün metodik vəsait, 7700 ədəd “Texnologiya” dərsliyi və 450 ədəd “Texnologiya” fənni üzrə müəllim üçün metodik vəsait, IX siniflər üzrə 2550 ədəd “İnformatika” dərsliyi, X siniflər üzrə isə 2300 ədəd “İnformatika” dərsliyinin nəşri nəzərdə tutulub.

HƏQİQƏT