Azərbaycanda İKT xidmətlərinin həcmi 19 faiz artıb

Azərbaycanda yanvar-avqust aylarında təşkilatlara və əhaliyə göstərilən informasiya və rabitə xidmətlərinin həcmi 898,3 milyon manat təşkil edib. Bu barədə Dövlət Statistika Komitəsindən məlumat verilib.

Ötən dövr ərzində göstərilən sektorun müqayisə edilə bilən qiymətlər üzrə artım tempi 18,7 faiz olub.
İnformasiya və rabitə xidmətləri həcminin 72,2 faizi əhaliyə göstərilən xidmətlərin payına düşür.

Bununla yanaşı, əldə olunan gəlirin 59,9 faizi mobil rabitənin payına düşüb ki, bu da 2011-ci ilin analoji dövr göstəricisi ilə müqayisədə 16,5 faiz çoxdur. Bu dövrdə mobil rabitə xidmətlərindən əldə olunan gəlirlərin ümumi həcmi 537,7 milyon manat təşkil edib.

---