Azərbaycanda 92 minə yaxın daşınmaz əmlakın texniki inventarlaşdırılması aparılıb

Cari ilin əvvəlindən bəri Azərbaycanda 92 minə yaxın daşınmaz əmlakın texniki inventarlaşdırılması aparılmış və texniki pasport tərtib edilib.

Əmlak Məsələləri Dövlət Komitəsindən bildiriblər ki, bu dövrdə hüquqi və fiziki şəxslərə dövlət reyestrindən 71 minə yaxın məhdudiyyət arayışı verilib.

Tərtib edilmiş texniki pasportlardan 33 minə yaxını (35.7 faiz), dövlət reyestrindən hüquq sahiblərinə verilmiş məhdudiyyət arayışlarından 27 minə yaxını (37.6 faiz) Bakı şəhərinin payına düşür.

---