“Microsoft”un baş direktoru nə demək istəyir?

“Microsoft” korporasiyasının “Surface” planşetinin satışa çıxarılmasına bir ay yarım qalıb, lakin şirkət hələ də məhsulun qiymətini açıqlamayıb. Korporasiyanın baş direktoru Stiv Balmer  hələ ki planşetin qiymətinə yalnız işarə etməklə kifayətlənir.

“ICTnews.az” elektron xəbər xidməti “vesti.ru” saytına istinadən bildirir ki, Stiv Balmerin “Seattle Times” nəşrinə verdiyi müsahibəsinə əsasən, planşetin qiymətinin orta məxrəci 300 və 700-800 dollar arasındadır.

“ARM” prosessoru və pulsuz “Office” paketi quraşdırılmış "yüngülləşdirilmiş" “Windows RT” əməliyyat sistemi istifadə edən “Surface” planşetlərinin oktyabrın 29-da satışa çıxarılacağı gözlənilir.





EMİL

---