Azərbaycanlı istifadəçilərin üstünlük verdiyi sosial şəbəkələr

Bütün dünyada olduğu kimi, Azərbaycanda da internet vasitəsilə sosial şəbəkələrdən istifadə edən “user”lərin böyük hissəsi “Facebook”a üstünlük verir. Sosial şəbəkə istifadəçilərinin (SŞİ) 85,6%-i bu şəbəkədən istifadə edir. Bu rəqəmə təkcə fərdi şəxslər yox, həm də ictimai təşkilatlar, müəssisələr və s. daxildir. Ölkədə istifadəsinə görə ikinci yeri “YouTube” videoportalı tutur - onun istifadəçiləri 8%-ə yaxındır. Dünyada məşhur olan ikinci böyük sosial şəbəkə “Twitter” isə Azərbaycanda o qədər də populyar deyil - ölkədə hər 200 SŞİ-dən yalnız 5-i «Twitter»ə qoşulub.
Qeyd edək ki, bir çox mobil telefonların menyularına da telefon istehsalçıları tərəfindən artıq bu şəbəkələrdən istifadə etməyi birbaşa dəstəkləyən funksiyalar əlavə edilir. Təxmini qiymətləndirmələrə görə, 2010-cu ilin sonuna ölkə əhalisi arasında bütün sosial şəbəkələrdən istifadə edən istifadəçilərin ümumi sayı 320 000 ətrafında olub.

Şəbəkələr	2010
Facebook	85,63 %
YouTube	7,81%
Twitter	2,51%
StumbleUpon	1,75%
NowPublic	0,48%
Digg	0,39%
LinkedIn	0,27%
MySpace	0,22%
Yahoo!Buzz	0,21%
Others	0,73%

---