Rabitəçilərin sosial vəziyyəti daha da yaxşılaşdırılır

Azərbaycan Respublikasının Prezidenti cənab İlham Əliyevin ölkədə yeni iş yerlərinin açılması və işsizliyin aradan qaldırılması ilə bağlı verdiyi tapşırıqların icrası olaraq, RİTN üzrə 2011-ci ilin 6 ayı ərzində 172 yeni iş yeri açılmışdır. Bundan 113-ü “Azərpoçt” MMC-də (11 ştat istehsalat zərurəti ilə əlaqədar, digər 102 ştat isə bütün poçt şöbələrində yarım ştatda olan işçilərin tam ştata keçirilməsi ilə bağlı), 40-ı “Azərkosmos” ASC-də, 6-ı “Aztelekom” İB-də, 10-u DRİ-də, 3-ü isə MHM-də olmuşdur.
Rabitəçilərin sosial vəziyyətinin yaxşılaşdırılması məqsədilə əmək haqlarının artırılması istiqamətində işlər davam etdirilmişdir. Belə ki, 01.03.2011-ci il tarixdən “Azərpoçt” MMC-də bütün işçilərin (aparat istisna olmaqla) əməkhaqları 15 manat, 01.07.2011-ci il tarixdən isə 30 manat artırılmışdır. Son artımla birlikdə MMC üzrə orta aylıq əməkhaqqı ilin əvvəli ilə müqayisədə 134 manatdan 177 manata, beləliklə filiallar üzrə minimum əməkhaqqı 103 manatdan 148,2 manata, maksimum əməkhaqqı 308,0 manatdan 353,6 manata yüksəlmişdir.
01.07.2011-ci il tarixə RİTN-in birlik və müəssisələrində çalışan rabitəçilərin orta aylıq əmək haqqı 286,4 manat təşkil etmişdir ki bu da ötən ilin mavafiq dövrü ilə müqayisədə 5,2% çoxdur. Qeyd edək ki, hazırda respublika üzrə orta aylıq əməkhaqqı 351,3 manat təşkil edir. Cari ilin 5 ayı üzrə ölkədə telekommunikasiya sektorunda orta aylıq əməkhaqqı 579,3 manat təşkil etmişdir ki, bu da ötən ilin eyni dövrü ilə müqayisədə 11,3% çoxdur.