“Sharp” şirkəti 10 min insanı işdən azad edəcək

Yaponiyanın elektronika istehsalçısı olan “Sharp” şirkəti 10 mindən çox işçisini ixtisar etmək niyyətindədir, həmçinin bir sıra  zavodlarının satılması haqqında danışıqlar aparır. Şirkətdəki mənbələr bildiriblər ki, bu addımlar şirkətin gəlirliliyinin geri qayıtmasında yardımçı olmalıdır.

“ICTnews.az” elektron xəbər xidməti “cybersecurity.ru” saytına istinadən bildirir ki, mənbələrin məlumatına görə, heyətin ixtisarı və televizor istehsalı üzrə zavodların satılması Meksika, Çin və Malayziyada planlaşdırılır. Həmçinin, Amerikanın “Recurrent Energy” günəş batareyaları istehsalçısını satmaq planlaşdırılır. Qeyd edək ki, şirkət ötən ayda 5000 insanı ixtisar edib.2012-ci il martın 31-nə olan məlumata əsasən, “Sharp” şirkətinin heyətinin ümumi sayı 56 756 insan təşkil edir.




 
EMİL

---