“Azercell” yığım qaydalarını dəyişdi

“Azercell Telekom” MMC şəbəkədaxili abonentləri üçün mobil nömrələrin yığılmasının yeni formatını tətbiq edir.

Şirkətdən “ICTnews”-a verilən məlumatda bildirilir ki, bu gündən şəbəkədaxili zənglər, həmçinin “Azercell” nömrəsinə SMS və MMS göndərərkən abonent nömrəsindən əvvəl “050” və ya “051” prefiksini (məsələn, “050” (051) XXX-XX-XX) yığmaq lazımdır.

Nömrələrin yığılmasının yeni qaydası, həmçinin digər mobil rabitə operatorlarının (“Bakcell” – “055” və “Azerfon” “050”, “051”) şəbəkəsində tətbiq olunur.






RƏVAN

---