Pendirdən hazırlanan yanacaqla hərəkət edən avtomobil yaradılıb

Alimlərin yeni yanacaq növləri tapmaq cəhdi sərhəd tanımır. Bu yaxınlarda Amerikanın Yuta şəhərində yerləşən universitetin əməkdaşları “Yuta Aggie A-Salt Streamliner” adlı yeni avtomobili sınaqdan keçiriblər. Avtomobil pendir istehsalının tullantılarından hazırlanan maye bioloji yanacaqla doldurulur.

Sınaqlar olduqca uğurlu olub: avtomobil saatda 105 km sürətlə hərəkət edə bilib. Bu göstərici bu cür sinif maşınlar üçün yeni rekorddur.

“ICTnews.az” elektron xəbər xidməti “pitbit.ru” saytına istinadən bildirir ki, “Aggie A-Salt Streamliner” avtomobili gündəlik istifadə üçün nəzərdə tutulmayıb. O, yalnız bir insan üçün nəzərdə tutulub. Mütəxəssislərin hesablamasına görə, ekoloji cəhətdən təmiz pendir yanacağı benzinlə olmasa da, dizel yanacağı ilə rəqabət apara bilər.




EMİL

---