Əhaliyə göstərilən rabitə xidmətlərinin həcmi artıb

Bu ilin yanvar-iyun aylarında Azərbaycanda informasiya və rabitə sektorunda təsərrüfat subyektlərinə və əhaliyə 562,2 mln. manatlıq və ya əvvəlki ilin müvafiq dövrünə nisbətən müqayisəli qiymətlərlə 14,4% çox xidmət göstərilib. Dövlət Statistika Komitəsindən verilən məlumata görə, informasiya və rabitə xidmətlərinin 73,4%-i əhaliyə göstərilib. Rabitə xidmətlərindən əldə olunmuş gəlirlərin 62,7%-i mobil telefon rabitəsindən yaranıb və 2010-cu ilin eyni dövrü ilə müqayisədə bu göstərici 5,6% artaraq 352,6 mln. manat təşkil edib.

---