“Google”-da ən bahalı reklam 50 dollardır
“Google” şirkəti “AdWords” xidməti vasitəsilə axtarış sorğularının açar sözləri ilə əlaqələndirilmiş reklamdan 1 klik üçün 50 dollara qədər qazanır. Bu barədə “WordStream” saytı tərəfindən keçirilmiş tədqiqatda deyilib. Sayt internetdə açar sözlərin hesablanması və emalı ilə məşğul olur. “WordStream” saytı, həmçinin hansı sözlərin “Google” şirkətinə daha çox gəlir gətirdiyini aydınlaşdırıb.
“Google AdWords” reklam xidməti hərrac prinsipi üzrə təşkil edilib. Elan verənlər axtarış sorğularında açar sözlərin məşhurluğuna əsaslanaraq ödəmə edirlər. Minimal ödəmə 5 sent təşkil edir, amma “WordStream” iddia edir ki, elan verənlər ən "bahalı" sözlər üçün 50 dollar ödəməyə hazırdırlar. Reklamın ümumi qiyməti "klik üçün ödəmə" prinsipi (" cost per click") üzrə təyin edilir. Hesabatda bütün söz və söz birləşmələri qruplara ayrılıb. Ən bahalı "sığorta" (" insurance") , "istiqraz" (" loan") və "ipoteka" (" mortgage") sözləri ilə olan qrup olub. İlk iyirmilikdə "proqram təminatı" (" software"), "vəkil" (" attorney"), "diplom" (" degree") və "hostinq" (" hosting") sözləri olub. “WordStream” saytı tədqiqatında son 90 gün ərzində 10 min ən "bahalı " ingilis sözlərini müəyyən edib.
Bundan başqa, hesabat “Google” şirkətinin bütün gəlirinin 97%-nin məhz reklam gəlirləri olduğunu göstərib. Yalnız son 4 rüb ərzində “Google” şirkəti reklamdan 32,2 milyard dollar qazanıb, “WordStream” saytı belə iddia edib. “Google AdWords” reklam xidməti 2000-ci ilin payızında istifadəyə verilib. 2003-cü ildə “AdSense” reklam xidməti ona əlavə edilib. Onun vasitəsilə “Google” şirkəti veb- saytlarda kontekst reklam yerləşdirir.
lenta.ru