Rabitə və İnformasiya Texnologiyaları Nazirliyinin elektron xəbər xidməti
Regionlarda yeni elektron ATS-lər istifadəyə verilib
«Aztelekom» İB tərəfindən regionlarda vətəndaşların telefon rabitəsinə olan tələbatının ödənilməsi məqsədilə hazırlanan geniş tədbirlər planına uyğun olaraq yeni elektron ATS-lər tikilərək istifadəyə verilib.
Birlikdən verilən məlumata görə, həyata keçirilən tədbirlər nəticəsində Şəki rayon mərkəzində, Yevlaxda məcburi köçkünlər üçün tikilmiş qəsəbədə, Hacıqabul, Şabran, Oğuz, Qusar, Ağdam, Tərtər, Astara və Bərdənin 11 kənd yaşayış məntəqəsində yeni EATS-lər quraşdırılaraq istifadəyə verilib.
Qeyd edək ki, “Aztelekom” İB-nin regionlarda genişzolaqlı internet şəbəkəsinin inkişafı konsepsiyasına uyğun olaraq bütün adıçəkilən EATS-lərdə ADSL avadanlıqları qurulub.
RƏVAN
22/10/12 Çap et